Video seksi me 17-vjeçaren për shantazh ndaj babait !

KAVAJE / Tre djemtë do të kërkonin para nga vajza që pamjet të mos bëheshin publike.
Dështon aventura e të rinjve nga Kavaja që tentuan të filmonin vajzën e një emigranti, duke kryer marrëdhënie seksuale me të dashurin

Disa të rinj nga Luzi i Madh në Kavajë kanë ngritur rrengun duke menduar të filmonin gjimnazisten dhe më pas me pamjet t’i bënin shantazh babait të saj për t’i kërkuar para. Plani i gjobëvënies ka dështuar falë një rastësie fatkeqe për autorët e rrengut. Arben Tafa, 20 vjeç, i dashuri i gjimnazistes është arrestuar me akuzën e marrëdhënieve seksuale me dhunë dhe shantazhit në tentativë. Ai kishte lajmëruar të njohurit e tij se të shtunën do të dilte me të dashurën dhe ata duhej të filmonin aktin seksual me qëllim që më pas babait të vajzës, ish-emigrant në Itali, t’i bëhej shantazh me pamjet me qëllim që ai të paguante që imazhet të mos bëheshin publike. I dashuri i vajzës, që dyshohet se ka qenë ideatori i ngjarjes, banor i fshatit Luz i Madh është ndaluar në polici bashkë me dy miq të tij që po filmonin aktin seksual. Atyre u është bllokuar edhe kamera amatore me të cilën po bënin xhirimin.

“Me kasetën do të bënim presion për të marrë para”

KAVAJE - Gjatë dëshmive që kanë dhënë tre djemtë në polici, ata kanë pranuar se më parë kishin planifikuar të filmonin çiftin ndërsa kryente marrëdhënie seksuale. Madje për këtë fakt, policia ka bllokuar edhe një kamera që iu është gjetur dy të rinjve, shokë të Arben Tafës. Ata vetë kanë pranuar që pasi të kishin regjistruar çiftin duke bërë dashuri do ta përdornin videon për shantazh ndaj babait të vajzës. Tre djemtë kanë pranuar një fakt të tillë, ndërsa kanë pohuar se kishin planifikuar situatën prej disa ditësh dhe prisnin ta realizonin qëllimin e tyre. Pasi kaseta të ishte në dorë të tyre, ata mund ta përdornin atë si mjet presioni, për të përfituar para nga babai i vajzës. Sipas tyre, ata nëpërmjet përmbajtjes së kasetës nuk kishin menduar saktësisht se çdo të kishin bërë, por burime të policisë së Kavajës kanë pohuar se një nga mundësitë ishte që t’i bënin presion vajzës ose babait. Me qëllim që të mos ia çonin të atit kasetën, ata mund t’i kërkonin vajzës para. Në të kundërt, nëse ajo nuk do të pranonte të paguante, ata do t’i bënin presion të atit, duke i dërguar kasetën. Tashmë plani i përgatitur nga tre shokët nga Luzi i Kavajës, jo vetëm që ka dështuar, por Arben Tafa tashmë është i arrestuar nga policia e Kavajës pas dështimit të rrengut ndaj të dashurës së tij.

G.Panorama